§®*§[·.*.·]™[ تــشيز كيك بالـــكراميــل ]™[·.*.·]§®*§

السلام عليكم ورحمة الله وبركاته ..
كيف الحال جميعًا .. ؟ إن شاء الله الكل بخير ..

اليوم قررت انزل طبختي.. و أصير بنت سنعه ..
ترا أول مرا أنزل شي أكله و مع الشرح ^_^ .. فإذا لقيتوا شي مضحك اكتموا ضحكاتكم ^_^ .. !



المهم .. سويت تشيز كيك بالكراميل .. طبعا الاسم مخترع ^_^ ..
لأني ما ادري اش اسمها .. لدرجة إني أسميها بعض الاحيان قطعة رخامه .. !!


الطريقة سهله و المقادير متوفره غالبا ..


نبدأ بسم الله ..




المقادير :


( 1 )




بحسب الترقيم على الصورة طبعا ..

1) حليب بودرة..
2) كريم كراميل ..
3) بسكوت ماري ..
4) زبده ..
5) كوب سكر ..
6) نسكافيه ..
7) لبن زبادي ..


فنجان مويا <== نسيت ما أصوره لـ أهميته البالغه ^_^ ..


طبعا لما راح أقولكم .. ربع زبده أو نص السكر .. أقصد على نفس المقاييس اللي موجوده بالصوره ..

مو تروحوا تستخدموا الفنجان اللي عندكم و تقولوا .. غلطان من يسمع كلامك يا بطووووطه !!




و الأدوات :

خلاطه كهربيائية ..

صينية بايركس صغيرة ..





نبدأ ..


( 2 )




ناخذ بسكوت الماري لـ الخلاطه .. و نطحنه تمام .. لين يصير ناعم و مافيه أي قطع .. !


و يكفينا نص البسكوت لأن الصينية صغيره !






( 3 )





الطبقة الأولى :

1) ناخذ البسكوت المطحون على الصينية و نبدأ نساويه بشكل مرتب ..

2) نأخذ ربع الزبده الموجوده بالصوره ( 1 ) .. و نبدأ نخلطها مع البسكوت

المطحون إلين مانلاقي أي قطعه زبده .. ! المفروض تكون انخلطت جيدا .. عشان يتماسك البسكوت مع بعض و بقوه و بترابط وتلاحم ^_^ .. !





( 4 )





الخلطه للـ الطبقة الثانيه :

نفس الخلاط اللي طحنا فيه البسكوت .. ناخذه و نغسله ترا

المهم .. نجيب : كوب لبن زبادي + كوب حليب + نص فنجان سكر .. نخلطهم مع بعض بالخلاط .. !




( 5 )





ناخذ الـ خلطة الطبقة الثانيه و نكبها فوق الطبقة الاولى في الصينية .. ! و نرتبها ونساويها بكل الاماكن ..



و بعدين .. ناخذ الصينيه للـ فرن و نخليه تقريبا من 5 - 10 دقايق .. أهم شي لا ينحرق شويه من فوق زي حظرتي <== هذا وانتي اللي كاتبة الحلى ^_^ .. ! الله لا يفشل مسلم

.
.
.
.
بعد ما نطلع الصينية من الفرن ..

ننتقل لـ




( 6 )





خلطه الطبقة الثالثه :


ناخذ نصف كريم كراميل و ملعقه صغيرة نسكافيه (( للون فقط )) و نص فنجان مويا .. !
و نغليها على نار هادئه .. إلين ينخلطوا تمام مع بعض .. و نقفل النار لما نسمع الشوشره و الفقاقيع ^_^ .. !






( 7 )





ناخذ خلطة الطبقة الثالثه و نحطها في الصينية .. فوق الخلطه الثانيه ..هالصورة شكلها بايخ و ماعجبتني بس مافي غيرها للأسف >.> !



.

.
.

على الثلاجه لين ما يتجمد الكريم كراميل .. تقريبا ياخذ من ساعه - ساعه و نص !






و بعدها .. يجي التقديم ..

وهذي 3 صور شكله النهائي ..








<== دحين تعرفوا ليش سميت الحلى قطعة رخامه ^_^ .. !!







هنا و عافيه يارب ..


و اللي عنده أي سؤال يتفضل .. بس يعرف انه راح تاخذ الاجابه وقت .. على بال ما يتم تحويلها لـ ماما ^_^ .. !

اتمنى احد يسويها و يقول لنا رأيه فيها