مارائيكم فى استايل منتدى انجل شميرندا الجديد

فائده انك امراءه ولستى رجل

الفائدة الأولى

إذا كنتى ماشية فى الشارع فى وقت زحمة و عاوزة توقفى تاكسى و لا ميكروباص
بسيطة .... يكفى إنك تقفى بره الرصيف بشوية
و هاتلاقى التاكسيات بتقف لوحدها من غير ما تشاورى
أما بقى لو كنت راجل و لا ولد إنسى بقى يا عمرو
هاتشاور .... فووووووووو .... عدى خلاص و لا كأن السواق شافك أساسا ً

[ندعوك للتسجيل في المنتدى أو التعريف بنفسك لمعاينة هذه الصورة]

هاتشاور لسواق الميكروباص على إنك ممكن تتشعلق أو تقف
إنسى برضه هوا فاضيلك ...
الراجل نفسه اللى يركب معاه الوجه الحسن
امشى بقى بوجهك الـ [ندعوك للتسجيل في المنتدى أو التعريف بنفسك لمعاينة هذه الصورة] حلو ده

و الله يخربيت السواقين اللى من النوع ده و ما أكثرهم الأيام دى للأسف
و للأسف برضه إنك هاتلاقى نوعيات غريبة بعد ما يقف التاكسى

تلاقى واحدة ست صعبان عليها إنها تمشى من أول لآخر الشارع
علشان السابوه اللى لابساه ما يبوظشى أو علشان ياختى عليها رجليها بتوجعها من المشى
أو ممكن تلاقيها تفقع مرارتك بعد ما توقفه تقوله ...
هوا الحى السابع يروحوه إزاى ؟؟
أو اطلع يا اسطى و الباقى ... من عينة فقع المرارة و الفشة و الطحال برضه

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

الفائدة الثانية

هاتعيش تجربة إنك ترفض عرسان
إحنا يا رجالة نفضل نسعى و ندور و تقابل أهالى بنات و تدخل من الأبواب و الشبابيك
لحد ما رجيلك تورم و فلوسك تخلص على الشيكولاتة و الجاتوه اللى بتجيبه فى أول زيارة
و هما قاعدين يتلككوا و يتشرطوا

و تسمع بقى أحلى كلام من عينة ...

أصله يا ماما بيرمى كلام زى الدبش

أصله يابابا مرتبه تعبان

أصله يا ماما مش رومانسى ...
قال يعنى سيادتها الرومانسية بتشر منها

أصله يا بابا مش بيحط مزيل عرق ...
ده لما تقع مع بنت مناخيرها ما شاء الله كويسة من على بعد

أصله يا ماما بيشخر ( حد يقوللى عرفت منين إنه بيشخر ؟؟ )
دى بتتعرف لما يكون العريس جاى من الشغل و مرهق و راحلهم البيت فى نفس اليوم يخطبها
هاتلاقيه فاتح بقه و مش مركز أصلا ً فى اللى قدامه
و مشغل أسطوانة الشخير
يقولوله ... اتفضل يابنى العصير .... خخخخخخخخ
هوا بيحلم إنه يقدر يصحى الفجر تانى يوم يروح أول شغلانة و يواصل

أصله يا بابا ما بيتغلش غير شغلانتين بس فى اليوم علشان يجيب فلوس
على أساس إن الشباب الأيام دى واخدين حقن هرقليز و ممكن يشتغلوا 3 و أربع شغلانات فى اليوم الواحد
و كله فى سبيل إن الشاب يقدر يجيب شبكة بـ 15 و 20 ألف جنيه
و القوضتين يكونوا هاجزين من عفش و خلافه
خلافه دى ممكن تكون سجاجيد و نجف و تكييف ( أصل الجو بيكون حر فى الصيف و البنت يعنى تموت !! )
و الحاجات اللى زمان كانت كماليت بقت أساسيات ... أنت بتتكلم فى أيه
أنت راجل رجعى و مش مساير لركب الحياة
هوا كان فيه ناس ببتجوز على كنب و طبلية و قلل ؟؟؟
أنت بتزور فى تاريخ مصر يا راجل يا مزور

او تسمع أى كلام فاضى معقول ( مع الاعتذار للبرنامج الشهير )
أصله يا بابا ماعندوش إيميل و لا بلوج و لا صفحة حتى على الفيس بوك
هاتفضحونى وسط أصحابى

[ندعوك للتسجيل في المنتدى أو التعريف بنفسك لمعاينة هذه الصورة]

كون إنك شاب أو ولد ...
إذا حاولت مجرد المحاولة إنك تتشرط عليها أو على أهلها
نهار أبوك مش فايت ... هايطلعوا فيك خد بالك
هايقولولك الباب يفوت جمل ... العرسان بتيجي لبنتنا زى الرز
هوا احنا بنتنا بايرة ؟؟
كل شيىء قسمة و نصيب ...
( دى بقى الجملة المأثورة اللى بتتقال منعاً للاحراج )

أو ممكن يحصلك هطل فى دماغك من كتر ما أنت مش عارف تتجوز
من حيث غلاء المهور و أسعار الشقق و الموبيليا
و توصل للمرحلة دى

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

الفائدة الثالثة

أى إعلان عن وظيفة سكرتير أو علاقات عامة أو بياعين فى محل
الأولوية بتكون للبنات ... و طبعا ً عارفين ليه الحكمة من ده

[ندعوك للتسجيل في المنتدى أو التعريف بنفسك لمعاينة هذه الصورة]

هاقولكم على موقف حصل معايه بجد من حوالى 4 سنيين
كنت رايح أقدم على وظيفة فى شركة سياحة ... و خدوا بالكم من كلمة سياحة دى
الوطيفة كانت tour leader و الانجليزى بتاعى و الكومبيوتر كانوا كويسين
و كان معايا شهادات كويسة
كان قاعد معايه بره على الانترنيه الخاص بحجرة الاستقبال عدد من الشباب و قليل من البنات
أول بنت دخلت و قعدت جوه كتير و طولت و اتسألت بذمة و ضمير
رغم إنها ماكانتش بتعرف فى الكومبيوتر و الانترنت كويس فى الوقت ده
و العبد لله لما دخل ... كلمتين و بس و هانبقى نبعتلك
طبعا ً الواحد فى المواقف دى لازم يخلى روحه رياضية

و أكيد دلوقتى قدرتوا تخمنوا مين اللى اشتغل فى الوظيفة دى ؟
و هوا ده النوع اللى بيشتغل فى الوظائف اللى من النوع ده [ندعوك للتسجيل في المنتدى أو التعريف بنفسك لمعاينة هذه الصورة]
حتى لو فيه شباب أفضل من حيث الكفاءة

[ندعوك للتسجيل في المنتدى أو التعريف بنفسك لمعاينة هذه الصورة]

و ربنا على الظالم و المفترى و اللى بتستعبط

[ندعوك للتسجيل في المنتدى أو التعريف بنفسك لمعاينة هذه الصورة]

الفائدة الرابعة

تكبير الدماغ من ناحية المصروفات
عاوزة تقعدى فى البيت براحتك و الشرع فى صفك
لأن الراجل واجب عليه الانفاق على أهل بيته و مش بالضرورة إن الست تصرف مليم أحمر أو أخضر حتى
الستات من حقهم و حسب مزاجهم إنهم يقعدوا فى البيت براحتهم
و إنهم بمزاجهم برضه و فى أى وقت لو قرروا إنهم ينزلوا سوق العمل
و يقرفوا الرجالة و يزاحموهم أهلا ً و سهلا ً برضه
أيه الحلاوة و السهولة دى
لكن ذلك الكائن المسكين المسمى بالرجل فمن أول ما يتخرج و هوا شايل الهم
حتى فى عيد الحب أو حتى الذكرى السنوية للجوازة
... بنلاقى إن الراجل مطالب إنه يجيب هدية لمراته أو حبيبته

ماهو هوا على طول يا ولداه شايل الهم من يومه
لدرجة إنه من كتر ما شايل الهم جاله إحباط
مما أتاح الفرصة للبنت إنها تعرض نفسها فى الوظائف اللى بتقبل الاتنين
و طبعاً المحروسة من العين بتشتغل لإثبات ذاتها [ندعوك للتسجيل في المنتدى أو التعريف بنفسك لمعاينة هذه الصورة]
( دى جملة بنسمعها تملى من البنات )

[ندعوك للتسجيل في المنتدى أو التعريف بنفسك لمعاينة هذه الصورة]

أو إنها تشتغل علشان تصرف على نفسها و ما تقولش لباباها أو لمامتها
ادينى فلوس أجيب برفان ولا لبس جديد ولا eye shadow ولا مسخرة ... قصدى مسكرة

[ندعوك للتسجيل في المنتدى أو التعريف بنفسك لمعاينة هذه الصورة]

( يا سلام على الاعتماد على النفس و الكفاح ) [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

الفائدة الخامسة

إن البنات و الستات بيرتاحوا من شيل الطلبات ( بمزاجهم برضه )
خصوصا ً لما يتحججوا إنهم كائنات لطيفة ماتقدرش على الشيل
و إحنا طبعا ً مانقدرش نكسفهم و تلاقينا نضعف قدام الطلب ده
لو سمحت شيل ...
هات هات هات ... الحاجة الوحيدة اللى تقولك فيها خد
هيا الزبالة و شيل برضه يا عم

[ندعوك للتسجيل في المنتدى أو التعريف بنفسك لمعاينة هذه الصورة]

و بعد ما تتعود على الشيل كل مرة
خلاص بقت عادة يا حبيبى ... تشيل و تتمادى
ده كله إلا ده يا حبيبى ... اتدلعت بزيادة
( مع الاعتذار لمحمد حماقى )

منقوول

موضوع جميل جدا اشكرك وكلامك فى محله
[ندعوك للتسجيل في المنتدى أو التعريف بنفسك لمعاينة هذه الصورة]

ميرسى زينجا على الموضوع المتحيز ده
وبعدين انت بتكلم على المدلعين
متشوف بقى الشقينين
بيعملوا مجهود وبيتعبوا اكثر من الرجاله

عموما شكرا ياعم على موضوعك

[ندعوك للتسجيل في المنتدى أو التعريف بنفسك لمعاينة هذه الصورة]

مارائيكم فى استايل منتدى انجل شميرندا الجديد

( سجل أسمك بالبوم ذكريات منتدى انجل شميرندا ) حتى تبقى ف

فائده انك امراءه ولستى رجل