لماذا تفشل العلاقة الزوجيه؟
- التظاهر بأنك شخص أخر غير الشخص الحقيقي الذي أنت عليه
تجد الرجل والمرأة يلبسون قناع أخر غير ما هم حقيقة عليه،
فيحاولون بشتى الطرق إخفاء عيوبهم وإظهار كل ما هو رائع وبديع من صفات لا يملكونها في الحقيقة.
مع إنكم لو فكرتم شوية، لازم تكونوا مدركين إيه هى عيوبكم وايه هى مميزاتكم ولاأحد خالي من العيوب
والإنسان الذكي هو إلي يحاول إنه يغير من نفسه إلى الأفضل.
والشجاعة هى إنك تتخلى عن لبس أى قناع يخفي حقيقتك
والناس لو مش عجبهم تبقى دي مشكلتهم مش مشكلتك لأن هما كمان فيهم عيوب.
وأن الصدق هو أقصر الطرق لكل شيء وحبيبك أو حبيبتك يتقبلك بعيوبك ويحترم صراحتك وتحاولوا مع بعض
إنكم تكملوا بعض وتتغيروا للأفضل. وفي النهاية نحن لسنا إلا بشر والكمال لله وحده
ومش عيب ولاحرام إنك تكون عندك عيوب، هكذا خلقت، وعليك إدراك عيوبك ومحاولة أن يكون إتجاهك دائما إلى الأفضل.
2-الأنانية
الأنانية بتقضي على كل معنى جميل ممكن يتخلق بين الرجل والمرأة. لازم تقابلوا بعض في منتصف الطريق. أعظم حب هو إن حبك ليها يتفوق ويفوق حبك لنفسك والمرأة نفس الشيء. الحب طريق يمشي فيه إثنين وليس واحد.
إذا كنت تنشد الحب، إعطي إمرأتك كل ماتحتاج من حب، تعطيك عمرها وتضعك على عرش عقلها وقلبها وأنت سيد الكون بالنسبة لها وأنت قلبها عقلها.
3-الخوف
تخاف المرأة في أحيان كثيرة من إظهار مشاعرها الحقيقية للرجل وأعتقد أن الرجل في بعض الأحيان يسلك نفس سلوك الخوف هذا.
يعني المرأة في داخلها لديها رغبات وأحلام باحاسيس تحبها وتريد بينها وبين نفسها أن تبوح بها لزوجها.
ولكنها في الغالب لا تستطيع لأنها دائما بتخاف من سوء الفهم ومن تفكير الزوج بها.
يعني ياأخي لو مراتك ماتقدرشي تبوح لك وتتكلم معاك في كل حاجة وأى حاجة هاتتكلم مع مين؟ برنامج مصر النهاردة بيحصل فيها إيه؟!
حسسها بالأمان وإنها من حقها تتكلم معاك في كل شيء وأي شيء عشان خليني أقول لك
إن الخوف ده واحد من الأسباب إلى بيفشل في وجوده الكثير من العلاقات الزوجية
والشعور بالحرمان إنك متجاوز شريكة عمرك وإنتي متجاوزة شريك عمرك وفيه حرمان من أحاسيس كتيرة وده أحد الأسباب أيضا إلي بيؤدي إلى عدم وجود أي حوار أو إتصال من الزوجين.
يعني ما بيتكلموش مع بعض عشان خايفين من بعض.
وبعدين تشتكوا من تدهور العلاقة وكل واحد فيكم في النهاية يعيش مع شريك أحلامه وحياته
إلي كان نفسه يعيش معاه كل الأحاسيس في أحلام اليقظة…
وده شيء قاسي ومحزن ويؤدي أيضا إلى شعور قاتل بالوحدة مع إن شريك عمرك وشريكة عمرك نايمة جانبك على نفس السرير.
وطبعا عارفين الرجالة لما بيفتقدوا للأحاسيس دي في بيوتهم بيعملوا إيه؟
في الغالب بيدوروا على إمرأة أخرى للأحاسيس دي إلي بيفتقدوها
والغريب إن نفس الراجل إلي مراته بتشتكي من عدم رومانسيته
هو هو نفسه إلي بيحب أوي ورومانسي أوي في مواعيده وفي التليفون وعلى الإنترنت بس مع إمرأة أخرى غير زوجته.
ولو فكرنا شوية هنا هانكتشف إن ده لما بيحصل بين الرجل وزوجته من كبت مشاعر واحاسيس ورغبات
هو في الحقيقة بيقتل أحاسيس كل منهما من الداخل ويؤثر على علاقتهم ببعض
ومن هنا ينشأ البعد والجفاء والخرس الزوجي في كل شيء ممكن أن يجمع بينهما.
مش مفروض يكون بين الرجل وزوجته أى حدود أو أي موانع أو سدود لأن مابين الرجل وإمرأته لا شيء إسمه حدود أو موانع.
كل شيء في الحب مباح مابين الرجل وزوجته.
اداره الامنتدى
الموقع
موضوع: لماذا تفشل العلاقة الزوجيه؟ 
الثلاثاء 22 أكتوبر 2013, 3:56 pm
