نصائح لبيت منظماً وجميلاً بشكل أفضل

نصائح لبيت منظماً وجميلاً بشكل أفضل 

. أى مفرش بلاستيك قديم أو مقطوع ممكن تقصى منه وردات أو رسومات بسيطة وتستخدميها كقواعد للكوبيات.

. ممكن إسطوانه كرتون من بتاعت المناديل تزينيها وتستخدميها لتنظيم التوك وأساتك الشعر.

لو الورد قصير على الفازة زودى طوله بشاليمو شفاف

تابلوه قديم بشوية تعديلات ممكن ينفع صينية جميلة.

ـ علبة نضاره قديمة ممكن تستخدميها عشان تشيلى مكياجك أو أدواتك الشخصية فى الشنطة.

ـ عشان محدش يشرب من كوباية حد تاني حطى ستيكرات صغيره بأشكال مختلفه على الكوبيات

ـ أى جيب بنطلون جينز قديم ممكن نقصوا و نركب له شريطة طويلة يبقى جراب موبايل لبنوتة صغيرة، وممكن تلزقى عليه من بره وردة أو ترتر أو تزينيه بأى حاجة من إبتكارك
ـ البرطمانات القديمة ممكن تحطى فيها الإبر أو الزراير أو المسامير الزيادة بدل ما ترميها فى كل مكان، وممكن تجيبى حتة اسفنج و تثبتيها على الغطا عشان دبابيس الطرحة.

ـ لقيتى وصفة عجبتك فى مجلة مش لازم تحتفظى بالمجله كلها ، قصى الوصفة واحتفظى بيها فى دوسيه بلاستك لأنه هيحمى الورق من بهدلة المطبخ.

ـ الأطباق أو السلطنيات الصينى الصغيرة ممكن تحطيها فى الدرج جنب بعض وحطى فيها الإكسسوارات والدبابيس والتوك والبنس.

ألواح التقطيع ممكن تحطيها فى المايكروييف لتعقيمها بدلاً من الاستغناء عنها .
الدوبارة التخينة الخاصة بالمكرمية متوافرة بكل الألوان، لفيها على أباجورة قديمة لتجديد شكلها.
لإمتصاص الروائح من العلب البلاستيك ضعي فيها ورق جرائد وإقفليها لمدة يوم وستعود كما كانت .

شكرا علي الموضوع الجميل