3 اشياء ممكن تزيد الوزن في لحظة
طبعا بيجيلك احبااط لما تقومين الصبح مشتتتطه عالميزان ,, والارقام تخذلك
ليه؟؟! شديت حيلي فالرياضة ,,؟ ليه!؟ ما لغبطت فالاكل ,, والله هالدايت ما منه فايده
الظاهر وزني ثبت ,,
سيبك من كل هالكلام حبيبتي ,, واقري الجاي وبتعرفين الاسباب بكل بساطه ,,
1- الماي : يتكون الجسم من 60 % ماي وبكذا مستوى Hydration في الجسم مش مستقر ابدا
ويغير الرقم عالميزان بشكل مستمر ,,
يعني مثلا ,, لنفرض انك اليوم اكلتي ملح كثير وهو معروف انه حابس للسوائل .. بتنحبس السوائل بجسمك
كيف ؟؟ ما بتعرقين ما بيتبخر ,, ايه ترى جسمنا يطلع بخاار ورطووبة مو بس بالعرق ! , ما بتروحين الحمام واايد
هذا كله يزيد فى وزنك بطريقه كبيره ,, وله تاثير مو بسييط ابدا ,,
فلما تروحين تقيسين وزنك تحصلينه يا زاد او انه ثبت ,, وتحسبين نفسك متنتي مع انه يكون العكس تماما
كل اللي تحتاجينه انك تتركين الملح وبتنزلين الدبل ,,
مثال ثاني ::
في الدورة الشهرية الجسم يحبس كل سوائله تعويضا للدم اللي تفقدينه ,, غير الدم اللي متجمع فالحوض والبويضات وغييره
هذاا كلله يسبب زياده 2 – 3 كيلو !! متخيلين الرقم ,,
ممكن يخليكى تكرهيين الرجيم وسننينه
لكن طبعا هو زياده وقتيه فقط يعني بس تروح الدورة بتنزلين هالكيلوات واكثر ,,
2- الاكل :
اخطر شي على النفسيه هو انك تقيسين نفسج يعد وجبة الاكل على طول ,, لانه ببساطه
توه ما انهضم ولا تحلل وبينتج زياده فالميزان ,,
يعني تخيلي معدتك مثل الكيس الفاضي وزنه خفيف ,, لكن لما تملينه اغراض يثقل ويزيد الوزن
مع انه وزن الكيس هو هو ما تغير ,, هذا بالضبط اللي يصير لما تتعشين وتروحين تقيسين
ولا ترجعين من حفله ضااربه فيها بالخمس وتقيسين وزنج ,, على اساس انه يا ويلي متنت من هالعشوه
لا حبيبتي ترى زيادة الوزن مو سهله مثل ما الضعف مو سهل بعد ,, كيلو واحد تحتاجين ل7000 سعره حراريه عشان تزيدينه ,,
يعني عشوة ب1200 سعره حرارية مش هي اللي بتزيدج 4 او 3 كيلو فاليوم ,, هو بس وزن الاكل والماي ,,
الاكل محتاج وقت ينهضم ويتحلل ,, اللي يتحول فيتامينات واللي يتحول فضلات واللي يروح للدم واللي يحرقة الجسم
والسكريات تتفكك ,, وسااالفه طوويله عريضة ,,
العضلات :
من اكثر الاشياء اللي احس البنات يجهلونها , العضلات ثقيله اكثر من الدهون
مع ان الدهون تاخذ حيز اكير من العضلات فجسمنا ,,عشان كيذا .. بعد فترة من الرياضة
والنضام الغذائي ممكن تشوفين ان وزنك بدا يزيد او ثبت ,, هذا مو معناه ان انتي غلطانه في اي شي ,,
هذا مجرد ان انتي عضلاتك انتفخت وتكونت عضلات جديده طبعا وزنها كبير العضلات
,, مع ان شكلك بيكون رووعه
وعلى فكرة معلومه بسيطه كل ما كونتي عضلات كل ما زاد معدل حرق الدهون فجسمك
لان العضلات تااكل الدهن اكل مثل ما النار تاكل الحطب ,, تتغذا عالدهن ,, وتصيرين تحرقين دهون حتى وانتي قاعده تطالعين التي في ,,
عشان كيذا دايما اهتموا تكبرون العضلات وتنمونها ,,
طبعا هنية تيجي اهمية قياس الشريط,, لانه بيبين لك قياساتك الصحيحه ,,
مش يعطيك قياس العضلات,,