صحصح يا مصري قبل ما يموت الأمل شعر:د/ عادل فهمي

صحصح يا مصري قبل ما يموت الأمل شعر:د/ عادل فهمي

مين اللي قال : الشعب عايش ف الخيال؟
مين اللي قال: الثورة خلصت.. دول عيال..!!
مين اللي قال: اقضوا عليهم بالجمال
و الحكم يفضل بين خديجة وبين جمال..!!
جاوب يا مصري .قوم وشوف رمز الضلال ..!!

***
مين اللي عاوز يقضي ع الثورة الفتية؟
مين اللي عاوز يبتدي عهد الوسية ؟!
مين اللي عاوز إسرائيل تفضل قوية ؟!
مين اللي عايش للفلول والبلطجية؟!
جاوب يا مصري قبل ما يخلوك هفيّة..!!
مين اللي عاوز ينتقم من أهل مصر؟
مين اللي راجع مشتهي إذلال وقهر ؟
مين اللي عايش بالفساد في كل عصر ؟
مين اللي خلى دمكم في الأرض نهر؟
جاوب يا مصري.. وكفايانا صبر ..!!
***
مين اللي عاوز مصر ترجع للفتن ؟
ونعيش مصايب يحترق فيها الوطن ..!!
يحرق كنايس.. والكنيسة تعيش محن..!!
مين اللي عاوز للمساجد تُمتهن؟
جاوب يا مصري قبل ما يفوت الزمن ؟
***
مين اللي قال أحمد شفيق هو البطل؟
أحمد شفيق.. ضالع ف موقعة الجمل ..!!
أحمد شفيق عند الصهاينة بيشتغل ..!!
أحمد شفيق شيخ الفلول المبتذل..!!
صحصح يا مصري.. قبل ما يموت الأمل ..!!

[ندعوك للتسجيل في المنتدى أو التعريف بنفسك لمعاينة هذه الصورة]
كلمات رائعه شكرا لكى

صحصح يا مصري قبل ما يموت


مين الى بيضرب فى شعب مصر الان

ومين الى بيرسل البلطجه فى الميدان

ارحمنا ياارحم الراحمين

ونجينا من كل طاغى مهين

يارب حافظ على شعب مصر من الحاقدين

وبعد عنها الفاسدين

هذه الكلمات خواطر من عندى شخصيا

شكرا