مارائيكم فى استايل منتدى انجل شميرندا الجديد

فشار بالكراميل

فشار بالكراميل
[ندعوك للتسجيل في المنتدى أو التعريف بنفسك لمعاينة هذه الصورة]
نحضر للفشار كوب و نصف من ذرة الفشار و نعمله عادي

بالطريقة العادية
[ندعوك للتسجيل في المنتدى أو التعريف بنفسك لمعاينة هذه الصورة]

هقولها للي مش عارف

في حلة تيفال

نغطي قعرها بزيت ذرة و نحط عليه الفيشار ونمسك الحلة و نهزها جامد علشان الزيت يغطي الذرة كويس
(لو كمية الفشار كبيرة علي الحلة ياريت نعمله علي مرتين علشان مافيش حاجة تتحرق)

الفشار لازم يكون مغطي قعر الحلة برضه و مش ازيد من كده علشان كله يتعمل مع بعض في نفس الوقت
و نغطي الحلة طبعا
علشان الفشار مايطلعش بره
علي درجة حرارة وسط
و مانطفيش النار غير لما يبطل فرقعة
و كده خلاص

نحطه في سلطانية كبيرة

و نتأكد ان كل الفشار سليم و ان مافيش أي بذر ذرة ضمن الفشار

و نحط عليه 2 كوب مكسرات مجروشة
(كاجو ؛ بندق او لوز)

(ممكن مانحطش ده طبعا حسب ذوقك)

ونحضر خليط الكراميل:

[ندعوك للتسجيل في المنتدى أو التعريف بنفسك لمعاينة هذه الصورة]

قبل تحضير الكراميل لازم تسخن الفرن علي درجة حرارة 120 درجة مئوية
(درجة حرارة هادية خاااالص)

2 كوب سكر بني

(جايبالكم طريقة عمله )

نصف كوب شربات ذرة
corn syrup
(ممكن نستبدله بعسل الجلوكوز)

ملعقة صغيرة ملح

كوب زبدة

و نقلب معا جيدا علي النار حتي تذوب كل المقادير و تتجانس تماما

و نتركه يغلي مده 5 دقايق مع التقليب علي نار هادية

و بعد كده نشيله من علي النار

و احط عليه كيس فانيليا

ونصف ملعقة صغيرة من بيكاربونات الصودا

هتلاحظو ان الخليط تجانس كويس جدا بعد اضافة الصودا

و بعدين نقلب خليط الكراميل علي الفشار و االمكسرات و نقلب كويس جدا لحد التجانس التام

و بعدين نجيب صينيتين فرن غويطتين و ندهنهم بزيت ذرة

(يستحسن يكون زيت كويس علشان ما يعملش ريحه)

و نقسم فيهم الفيشار المغطي بالكراميل بالتساوي

و طبعا احنا مسخنين الفرن من قبل كده علي درجة حرارة منخفضة

و نحط الصينيتين في الفرن لمدة ساعة

بس لازم كل ربع ساعة نقلب الفشار كويس جدا علشان المحتويات كلها تتجانس مع بعض كويس و ماتنشفش

و بعد ساعة نطلعه من الفرن و نسيبه يبرد خااالص

و لو في حاجات لازقه في بعضها نفككها بالراحة خالص بعد ما يبرد طبعا

و كده يكون الفشار خلص

طريقة عمل السكر البني

علشان سعره غالي في السوبر ماركت
ممكن نعمله بكل سهولة في البيت

في عندنا ثلاثة انواع للسكر البني

سكر بني فاتح
[ندعوك للتسجيل في المنتدى أو التعريف بنفسك لمعاينة هذه الصورة]

سكر بني وسط
[ندعوك للتسجيل في المنتدى أو التعريف بنفسك لمعاينة هذه الصورة]

سكر بني غامق
[ندعوك للتسجيل في المنتدى أو التعريف بنفسك لمعاينة هذه الصورة]

انا هقول علي طريقة السكر البني الوسط لانه هو اللي بنستخدمه كتير
و هشرح الفرق بينهم

(هو ده اللي استخدمناه في الوصفة بتاعتنا)

علشان نعمل سكر بني وسط

عايزين 2 كوب سكر ابيض و يقابلهم ربع كوب عسل اسود
(كوب السكر عليه ملعقة كبيرة عسل)

طيب لو عايزين سكر بني فاتح

يبقي نحط 2 كوب السكر ابيض و يقابله 2 ملعقة كبيرة عسل اسود
(كوب السكر عليه ملعقة صغيرة عسل)

و لو عايزين السكر البني يكون غامق

نحط 2 كوب سكر ابيض و عليه ثلث كوب عسل اسود
(كوب السكر عليه ملعقتين كبار عسل)

و نقلب بالشوكة كويس اوي لغاية ما يتجانسو تماما و نرجع نشوف حبيبات السكر تاني

(يستحسن نضرب السكر بالعسل بمضرب بيض ولا بالكيتشن ماشين علشان حبيبات السكر ترجع تنفصل تاني)

بياخد 5 دقائق لو هنعمله في الكيشن ماشين

برضه جبتلكم الفيديو بتاع طريقة عمل السكر البني علشان يكون واضح بالنسبالكم

هنا

بارك الله فيك على الموضوع القيم والمميز

وفي انتظار جديدك الأروع والمميز

لك مني أجمل التحيات

وكل التوفيق لك يا رب

» تشيز كيك بالكراميل
» تارت الموز بالكراميل
» عصير الخوخ بالكراميل
» كعكة التفاح المقلوبة بالكراميل
» تشيز كيك دايت بالكراميل والفانيليا والكاسترد

مارائيكم فى استايل منتدى انجل شميرندا الجديد

( سجل أسمك بالبوم ذكريات منتدى انجل شميرندا ) حتى تبقى ف

فشار بالكراميل