تحت أمرك يا دنيا

تحت أمرك يا دنيا
انا تحت امرك يا دنيا ..دايما شوفينى بمرايه عاميه
وانا بين ايدك يا دنيا ..طير مدبوح بسكينه حاميــــه
زلى واكسرى فيا ..مانا متربى ع الاسيـــه
يلا اسقينى المر كاسات
لا هصرخ ولا هتوجع.. لا هبكى ولا هدمع
مانا هتالم من سكـــــات
مالك يا دنيا نازله فيا عذاب .. دا بجراحى الالم بنى قصور
طب دانا فرحى واخد غياب.. ودايما جرحى مسجل حضــور
ذيدى يا دنيا الالم اضعاف .. مانا والالم فيه وقاف
... يعنى انا فى اخر المطاف .بس صوره والالم برواز
الفرح بقيت بستغربــــه ..والحلو يادنيا بستـــمرره
انا اللى باقيلى بخسره..دا من عمايلك الجرح جـــاز
قلت ارد الجرح جراح.. ماقالوا الاظلم هو البــــادى
بس انا قلبى مش مرتاح .. يجرح حتى اللى يعـادى
على جراحى والمى الكل اتفقوا.. كدبوا وظلموا وخانوا ونافقوا
حتى حبايبى فى عز عذابى .. والله ما رحموا والله ما شفقــــــوا
مالك يا دنيا نازله فيا عذاب .. دا بجراحى الالم بنى قصور
طب دانا فرحى واخد غياب.. ودايما جرحى مسجل حضور
مفيش جرح ما اتجرحتوش..مفيش ظلم ما دقتــــــــــهوش
الناس يادنبا ما بتوصفوش ..غير انهم ديابه سعرانــــــــــه
ياكلوا الحق ما يختشوش.. بره ملايكه وجوه وحـــــــوش
ما كله بقى مركب وشوش..داحتى الخداع بقى اسمه امانه
اجمل معانى فيكى يادنيا.. خدتى عزاهم من سنيـــــــن
اللى عايش حاجه تانيه..حاجه ملت البنن البنى ادمين
ادى الدنيا اللى عايشنها ..وادى الناس اللى معايشنـــــــها
هيا الحقيقه ساعات مره ..بس اهى رحله وادينا ما شينها
م ن