الحواووشي
1-نعصج اللحمه وطريقتها كده(نقطع بصل صغير ونشوحه فى شوية زيت ونضيف عليه اللحمة المفرومة ومشروم لو تحبى ونحط الملح والبهارات فلفل اسود ورشه قرفه ورشه جنزبيل وشطة لو تحبي ونهدى عليها مع التقليب لحد ما تستوى وتشرب ميتها)واللى بيخليها زي حواووشى المحلات انك تحطى دهن على التعصيجه ونزود التوابل
2-نقطع طماطمايه وفلفلة خضراء قطع صغيرة اوى ونزودهم على التعصيجة ونطفى على طول عليها
3-نجيب عيش من البلدى بتاع الفرن ده الابيض او اسود لو تحبي ونفتحه من الجنب ونحط جواه التعصيجة نفردها جوا كل الرغيف وندهن وش الرغيف زيت خفيف
4-نقطع ورق فويل على اد تغليف كل رغيف وندهن الورق رشة زيت خفيف ونحط الرغيف ونغلفه بالفويل
5- ندخله الفرن على نار متوسطة يادوب خمس دقايق وبعدين نفتح ورق الفويل ثوانى بس علشان وش الرغيف ينشف ونطلعه يتقدم مع سلطة وطحينة الف هنا