مارائيكم فى استايل منتدى انجل شميرندا الجديد

اللون البني له ميزه خطيره انه بيليق على كلل الوان البشره
بس البني البندقي الفاتح هو اللي بيحتاج بشره محمره عشان ميبهتهاش لانه قريب من النحاسي هو الدرجه اللي قبل النحاسي علطول

وكبدايه اكتر سؤال بيتقال ايه افضل نوع صبغه؟؟؟؟ هعيد تالت
هصنفهم من الافضل للاسوأ من حيث الضرر
تشي بنزل صبغات خالي من الامونيا سعرها 70
لوريال والافضل خالي من الامونيا سعرها تقريبا 55
غارنيه 22 الونها كتتتتتتتتير ودي ميزتها ومش بتنشف الشعر والغرنيه ناترل منها افضل
باليت 28 وفيه باليت معاها كيس ماسك ممتاز لان العاديه بتنشف ب38 وانتي ونصيبك لان الالوان اللي هنا غير اللي هنا
كوليستون بتدي اللون بضمير شويه
بيرسونل ايجو كلهم زي بعض من وجهة نظري بينشفوا الشعر وب15
وانتي اختاري اللي يناسب ظروفك.. وعلى حسب المتوفر بالاسواق

معلومه مهمه .. الصبغه الخالي من الامونيا فتشي بتدي اللون ببطء كذلك اللوريال وكل مكان النوع ارخص واكثر ضرر كل مكان النتيجه واسرع واقرب للمطلوب
لو شعرك مش تالف وبتساقط خليكي فالوسط غرنيه وكولستون وبلاش باليت الاغلب رايهم انها لونها بينزل اسرع وبتنشف لو مش معاها الماسك

افضل اكسجين وبودره
الخاليين من الامونيا موجودين فتشي الفتوكات بيبعوهم فقسم المول بس الكميات كبيره
او الامريكي موجودين عند سمير وليم فروكسي محطة سرايا القبه
او الايطالي وده الشائع من ماركه بيرسونل وايجو
او المصري وده البششششع وحش اوي وبيتتتلف امل الشعر

خطوة تفتيح الشعر خصوصا اللي عايزه اشقر فاتح او غامق... الشعر وهو بيفتح بياخد مراحل ودي مراحله
اسود> بني غامق (شكولاته)>بني متوسط > بني البندقي (بني فاتح) > نحاسي غامق> نحاسي متوسط > نحاسي فاتح> دهبي غامق > دهبي فاتح> اشقر غامق>اشقر بيج > اشقر فاتح> تلجي >ابيض ربنا يكفينا شره

هوضح شكل الشعر بالصور لما بيتفتح ودي خطوه مههههمه للشعور العربيه الغالب متكون الشعر من درجات اللون الاحمر والنحاسي وهوضح فالجي اكتر
ولازم تتعلميها عشان تصبغي اللون اللي يعجبك

طيب شعرك غامق اسود مثلا او اسود باهت واغلبنا ده لون شعرهم يبقى .... دي مراحل والدرجات اللي هيمر بيها لو هتصبغي بني فاتح

هيبدا يفتح للون ده البني الغامق او بني شكولاته

[ندعوك للتسجيل في المنتدى أو التعريف بنفسك لمعاينة هذه الصورة]

بعدها اللون البني البني المتوسط البني العادي دي مسمياته

[ندعوك للتسجيل في المنتدى أو التعريف بنفسك لمعاينة هذه الصورة]

البني البندقي او البني الفاتح

[ندعوك للتسجيل في المنتدى أو التعريف بنفسك لمعاينة هذه الصورة]

البني البندقي الفاتح

وخلي بالك وانتي بتصبغي ليفتح ويخلص درجات البنيات ويدخل عالنحاسيات يعني دي افتح درجات البني

[ندعوك للتسجيل في المنتدى أو التعريف بنفسك لمعاينة هذه الصورة]

طيب ولو هتفتحي شعرك اكتر هيدي لون ايه .؟؟ هيدخل فدرجات النحاسي اللي اغلبنا بيترعب منها مهمومة ومحتارة عالرغم من ان ناس بيحبوها ويقولوا عايزين لون شعر هويامحبيبتي لانه بيليق عالبيض المحمرين زي هويام
وخلي بالك وانتي بتصبغي ليفتح ويخلص درجات البنيات ويدخل عالنحاسيات
ودي درجاته
بني نحاسي

[ندعوك للتسجيل في المنتدى أو التعريف بنفسك لمعاينة هذه الصورة]

لو هتفتحي اكتر هتعدي مراحل النحاسي بدرجاته ويبدا فالدهبيات ولو افتح اكتر بيبدا فالاشقرات والوان الخصل والتلجي ودول هعملهم موضوع لوحده بس وروني التقييمات والردود اللي تفتح النفس

هتقوليلي عايزه اللون البني الصافي ده

[ندعوك للتسجيل في المنتدى أو التعريف بنفسك لمعاينة هذه الصورة]

هقولك معلش ياقمر ده مش لينا ده للشقر اللي غمقوا شعرهم للبني فطبيعتهم معندهمش درجات الاحمر والاورنج زي العرب

طيب خطوات خلط الصبغه والمقادير

لو فرضنا ان شعرك قصير عالكتف وغامق وقررتي تصبغيه اي درجة بني
تبقى دي المقادير
انبوب صبغه اشقر ((ويفضل اشقر رمادي.. عشان بيطفي النحاسيات شويه بيقرب البني من البني الصافي))
+++ 100 ملل بلسم اكسجين 40% ((مفيش يبقى 30% بس زودي البودره شويه
+++ كيس بودره تشقير زرقازي بلوند لانها للوجه فحنينة عالشعر بتتباع من الصيدليه 10 ملل يملو تقريبا معلقة شاي (( ويفضل بودره زيتوني مكتوب علي العلبه جرين عشان تطفي النحاسي))

*ولو شعرك اطول كمان قبل نص الظهر تزودي كمان نص الكميه يعني الانبوب يبقى انبوب ونص وهكذا
*لو شعرك معدي نص الظهر او قبل النص بس تقيل يبقى ضعفي الكميه يعني الانبوب يبقوا اتنين وهكذا

**وطبعا هتمري بالمراحل اللي شوفتوا صورها عند الدرجه اللي عجباكي اغسلي شعرك بميه كتيييير وبعدها بلسم او حمام كريم

طيب لو شعرك بني متوسط وهتصبغيه بني فاتح .... او هتختاري درجتين ولا تلاته افتح من لون شعرك
يبقى الغي البودره (( يبقى صبغه اشقر واكسجين 40% ملقتهوش يبقى هتستبدليه باكسجين 30% وربع معلقة بودرة تشقير))

لو هتصبغي شعرك بني شكولاته وانتي شعرك اسود
يبقى صبغه بني او بني متوسط او بني فاتح+++ والاكسجين اللي معاها وياريت تضيفي كمان 50 مللي اكسجين لان اللي بيجي مع الصبغه 50 ملل قليلن فنوصلهم ل100 ملل

الاكسجين اللي هو مظهر اللون.. لو هتفتحي لون شعرك لازم 40 % لان اللي بيجي مع الصبغه ضعيف
ومعلومه ثابته .. كتري من الاكسجين مش هيضرك لان البعض عنده اعتقاد انه مضرررررر بس لو قللتي حتت هتشرب وحتت لا وشعرك هيلطش ويبقع وبررررضه متكتريش اوي لدرجة انك تقللي مفعول الصبغه

**طريقة التوزيع ثابته**.... لو بتصبغي شعرك الغامق للون افتح
هتوزعي على شعرك وتسيبي 3سم من الجدور توزعي على باقي الشعر وتخلصي وتسيبي شعرك اول ميلقط لون افتح من لون شعرك بدرجتين مثلا
تعيدي التوزيع على 3سم اللي سبناهم لييييييييييه عشان الجدور بتلقط بسرعه اللون بسبب سرعة تدفق الدم بفروة الراس فالجدور تفتح اسرع من الشعر فبناخرها شويه

معلومه ثابته.. شعرك وهو مبلول او عليه الصبغه لسه هيبقى اغمق لما ينشف بعد الصبغ هتلاقيه افتح درجتين

افضل حل للشعر المجهد وخصوصا المصبوغ انك تتجنبي الشامبو لانه بينشف اكتر اغسلي بميه بس وحمام كريم او بلسم ولو شعرك مش نظيف ومضطره يبقى خففيه بميه ويفضل تستخدمس شامبو طبي
وو
تعملي ماسكات وحمام زيت بالفوطه السخنه
الماسك المفضل عندي من حيث النتائج الراااااااائعه
(((((((((الزبادي بدون قشطه +++ صفار بيض+++ عسسسسسل اسسسسود+++ زيت زيتون+++فيتامينات)))))))))

وياريت قبل الاسئله تقولليلي درجة لون شعرك ايه وتجيبيلي صورة للون اللي عيزاه واخر مره صبغتي امته؟؟

وارجوكي تحطي سؤالك هنا عشان الكل يستفاد الا لو كانت حالة طوارئ باصرخ

تحياتي Alsultan sluman

شكرا لروعة الطرح
بانتظار القادم الاجمل
مودتي

الــف شكــر لك عـلى موضــوعك المميــز

تابــع تميــزك

ولا تحــرمنا من جديــدك

تحياتي لك

» مزيج الليمون الحامض اصبغي شعرك بألوان مختلفة!
» انسي الدهاب الى الصالون و اصبغي وقصي شعرك بنفسك
» طريقة عمل السكر البني
» لفائف النقانق بالبصل والسكر البني
» اللون البني في الكولا تسبب السرطان

مارائيكم فى استايل منتدى انجل شميرندا الجديد

( سجل أسمك بالبوم ذكريات منتدى انجل شميرندا ) حتى تبقى ف

اصبغي شعرك بجميع درجات البني