فراخ محشيه سهله وسريعه

جيبلكم فراخ محشيه سهله وسريعه وهتعجبكم

فرخه متوسطه و يا ريت لو صغيره متبله كويس ببصل مبشور و طماطم مبشوره و فلفل و ملح و رشه حبهان
نصف كوب ارز
بصله مبشوره متوسطه
كبد فراخ حوالي نصف كوبايه مغسوله كويس بملح و خل و مقطعه صغير
معلقتين سمن
ملح و فلفل و بهار و رشه جنزبيل

الطريقه :

1-شوحي البصله علي النار لحد ما تبقي دهبي و ضيفي الكبد و قلبي
2-لما تلاقي الكبد لونها اتغير و اتشوحت مع البصله ضيفي البهارات و ملح و فلفل و رشه جنزبيل بس شويه بهارات حلوين
3-حطي كوبايه ميه و سيبيها تغلي شويه و بعدان ضيفي الارز المغسول طبعا و منقوع شويه
4-لما الارز يغلي و يتشرب الميه حتلاقي لونه اغمق من البهارات و الكبد اقفلي النار و كده الحشوه جاهزه
5- هاتي بقي الفراخ المتبله و احشيها و دخلي الرز بيو الوراك و الجوانب و الصدر طبعا و قفلي رجلاها بالخله
6-ادهنيها من بره سمنه و بعدان انا بحطها في كيس الفرن بتستوي و تتحمر و بتطلع حلوه اوي ،بس خليها علي الرف اللي في النص او لو ما عندكيش حطيها في صينيه و عليها كوبايتين ميه و غطيها بورق الفويل و لما تفتحي عليها و تستوي شيلي الفويل علشان تحمر
بس اوعي تسلقيها الرز بيعجن و نكهته بتنزل في الشوربه



ارجو ان تكون عجبتكم][ندعوك للتسجيل في المنتدى أو التعريف بنفسك لمعاينة هذه الصورة]

لوليتا اشكرك ومتخليش حد يقرب على الفرخه انا جاى منظرها مغرى بجد

هوه فيه فرخه بتتقسم برضه حرام الجفاف الى انا فيه ده