من فى الشعب المصرى مابيحبش الفسيخ والسردين خصوصا فى شم النسيم
السردين المملح
1-هنجيب السردين وكل ما كان سمين يبقى احلى ومش هنغسل السردين
2-هنجهز خلطة من الملح والكركم والشطة
3-فى اى علبة بلاستيك هنحط فيها كيس ونفرد فيه شوية من الخلطة وبعدين نرص طبقة من السردين وبعدين طبقة خلطة وهكذا لحد ما تخلصى السردين واخر طبقة تبقى الخلطة
4-هنرش على الوش شوية خل ونغطى الوش بطبقة زيت علشان تحمى السردين
5-هنقفل الكيس كويس اوى واقفلى العلبه وحطيها فى اى مكان وتطلعى منه بعد اسبوع او اسبوعين هيبقى جميل ان شاء الله
الفسيخ
*ممكن نعمله بالطريقة اللى فاتت بالضبط بس نحشى الخياشيم كويس بالخلطة وهنفتح عليه بعد شهر
*لو هنعمله زي اللى بيتشري يبقى هنحطه فى مصفاة ونسيبه فى فرن البوتوجاز يوم كامل وتانى يوم هتعمليه بنفس الطريقة اللى فاتت وهتحشى الخياشيم برضه كويس جدا بالخلطة (بس استحملى الريحة بقى)