البيض الاسكتلندى
نسلق بيض ونقشره ونغلفه بعجينه الكباب اللى قلناها دى ونحطة شوية فى التلاجه وبعدين نسويه بنفس الطريقه وبعدين قطعى كل واحدة نصين بيبقى شكلها حلو الكفتة وجواها البيضه انا اوقات بعمل واحدة بس ازوق بها طبق الكباب
الكباب
1-لحمة حمرة +بصلة+عودين شبت او بقدونس نفرمهم كلهم فى الكبة او المفرمة
وبعدين نحط الملح والبهارات ورشة نشا علشان يتماسك واحنا بنعمله وممكن لو تحبى تضيفى شوية بقسماط
2-نصبع الكباب على سيخ او قلم ونشيله نحطه فى التلاجه شوية صغيرين علشان يمسك ونرصه فى صينية مدهونة زيت خفيف وندخله الفرن على نار هادية لحد ما يستوى
3 - لو نحب نديله طعم الشوى بعد ما الكباب يتعمل نحط فحمة على النار لحد ما تحمر وبعدين نحط طبق صغير فيه زيت فى صينية الكباب ونحط فيه الفحمة ونغطي الصينية بسرعه ونسيبها شوية علشان تاخد ريحة دخان الفحم