مارائيكم فى استايل منتدى انجل شميرندا الجديد

معا نتعرف على المحاشى وخلطتها
يه انواع كتير من المحشى اوى وخلطة الحشوة كلها واحدة فهنبتدى الاول بطريقة الخلطة وبعدين ندخل فى كل نوع
خلطة المحشى

1-نشوح بصلة كبيررررررة متقطعة صغير اوى فى معلقتين سمنة بلدي ومعلقتين زيت لحد ما تصفر(المحشى بيحب الدهون زيادة شوية وممكن تقللي براحتك)
2-نضيف الطماطم المفرومة او صلصة الطماطم الجاهزة ونسيبها تتسبك على الاخر مع اضافة الملح والبهارات وشطة لو نحب وبعدين نطفى عليها
3-نقطع الخضرة تقطيع ناعم(كسبرة -شبت-بقدونس)ونضيفها للخليط ونزود الخضرة لانها بتدى ريحة وطعم جميل للمحشى
4-اهم تكة فى المحشى بقى واللى بتديله طعم روعة انك تضيفى على الخليط ده بصله متقطعة ناعم وهى نيه
5-نضيف الرز المغسول وطبعا يكون رز مصري مش بسمتي ونقلب كويس وممكن نضيف لحمة مفرومة لو نحب
كده تبقى خلطة المحشى جاهزة ونبتدى بقى نحشى
محشى الكرنب

1-نحط حلة مية تغلى على النار مع ملح وكمون ناشف (الكمون بيشيل اى ريحة مش مستحبة للكرنب)
2-نفصص الكرنبة ونسقط الورق فى المية ونسيبه لحد ما يستوى بس ناخد بالنا ما يتهريش علشان ما يتقطعش واحنا بنلفه
3-نشيل الورق بعد ما يستوى فى مصفاة ونسيبه يصفى وبعدين نقطعه مستطيلات صغيرة ونرصها على بعض علشان تبقى سهله لينا واحنا بنحشى
4-نجهز الحلة اللى هنحشى فيها هنقطع فى ارضيتها بصلة وفلفلة وطماطماية وجزرايه ترنشات
5-نبدا نلف الورق ونرصه بنظام فى الحله لحد ما نخلص المقداروما تخافيش مش هيفك منك
6-نضيف الشوربة او المية اللى هنسوى بيها ويادووووووب تغطى المحشى علشان ما يتعجنش مننا
7-نضيف رشة سكر بتخلى طعم الكرنب حلو اوى مع معلقة سمنة بلدي وبعدين نحط طبق او غطا حلة صغير فوق المحشى علشان اما يغلى ما يفكش وبعدين نغطى حلة المحشى ونحطها على النار لحد ما تغلى وبعدين نهدى النار عليها اووووى او نحط الشياطة لحد ما المحشى يستوى ويتقدم بالف هنا
محشى ورق العنب
[ندعوك للتسجيل في المنتدى أو التعريف بنفسك لمعاينة هذه الصورة]
نفس خطوات محشى الكرنب بالضبط مع مراعاة الفروق اللى هقولها دى
1-منحطش كمون فى المية اللى هنسلق فيها الورق بس نعصر فيها لمون مع الملح طبعا
2-ورق العنب هياخد وقت اقل من الكرنب فى سلقه وطبعا الورق مش محتاج يتقطع ما دام صغير ولو ورقه كبيرة نقطعها نصين
3-بعد ما نشيل الورق ونصفيه نغسله كويس جداااااا كذا مرة علشان يتخلص شوية من الطعم الحمضى اللى فيه
4-نكمل الحشو عادى جدا زي الكرنب بس ما نحطش سكر فى الاخر بس هنعصر ليمون كتير ونقطع ترنشات ليمون على وش المحشى (الليمون بيضبط طعم محشى ورق العنب بيخليه مش لاذع اوى)ونسويه زي الكرنب بالضبط ويتقدم ومعاه سلطة زبادي
خليكوا معانا هنكمل باقى انواع المحشى

محشى الكوسة
1-هنقطع راس الكوسايه ونجردها بالسكينة جرد خفيف كده يعني مش هنقشرها لا يادوب خفيف خفيف بالسكينة كده وممكن ما نقشرهاش كمان وبعدين نقور الكوسة(اوعوا حد يرمى قلب الكوسة ازعل منه احنا اتفقنا مش هنرمى حاجة احنا هنعينه فى كيس فى الفريزر وممكن نضيفه على صينية العجة او مع شوربة الخضار او نسويه بملح وبهارات وشطة ويبقى زي بابا غنوج)
2-ممكن نبدا نحشى الكوسة على طول كده بس انا بحب اشوحها الاول فى شوية زيت صغننين لحد ما لونها يادوب يتغير وبعدين نحشيها
3-ناخد بالنا الحشو يبقى يادوب لنص الكوساية لان الرز اما هيستوى حجمه هيزيد فمش عاوزينه يطلع بره الكوسه ويبهدل لنا الدنيا
4-هنرص الكوسة فى صينية ونحط لها الشوربة وبرضه يادوب تغطيها وبعدين نغطى الصينية ونحطها على النار تغلى وبعدين نهدى عليها لحد ما تستوى
5-بعد ما تستوى هندخلها تحت الشوايه علشان تتحمر خفيف كده وبعدين نقدمها
محشى الباذنجان
عندنا الباذنجان اسود وابيض والاتنين طبعا نفس الطريقة
طريقته نفس طريقة محشى الكوسة بالحرف الواحد بس ناخد بالنا واحنا بنقوره نبقى ننقعه فى ميه وملح خفيف علشان ما يسودش مننا(وبرضه محدش يرمي القلب بتاعه هنسوية بملح وفلفل وخل واما يستوى نخلطه بطحينه وزبادي ويبقى احلى بابا غنوج)
محشى البطاطس
نفس طريقة محشى الكوسة بالحرف الواحد (وبرضه مش هنرمى القلب هنعمل بيه بطاطس بيوريه او شوربة خضار او عجة)
محشى الفلفل
نختار طبعا الفلفل اللى حجمه صغير
نفس طريقة محشى الكوسة بس ممكن نرص الفلفل المحشى فى حله ونسويه على النار من غير ما يدخل الفرن

شكرا للمحاشى تسلم ايديكى

[ندعوك للتسجيل في المنتدى أو التعريف بنفسك لمعاينة هذه الصورة]

طريقه جميله عاشت ايدك ياقمر

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

موضوع غايه فى الروعه
والقادم اجمل
[ندعوك للتسجيل في المنتدى أو التعريف بنفسك لمعاينة هذه الصورة]

نتظر منك المزيد
مواضيع ومشاركات
وابداعات
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
تسلم الايادي الماهره
روعه في اختيار المواضيع المميزه
نشگر لگم حسن آلآنتقآء
ونپآرگ لگم هذآ آلحضور آلمميز
أرق آلتحيآت آلعذپة وأطيپ آلأمنيآت آلعطرة

» تعالوا نتعرف على فضائل العذراء مريم
» الشخصيات أنواع مختلفه تعالى نتعرف عليها

مارائيكم فى استايل منتدى انجل شميرندا الجديد

( سجل أسمك بالبوم ذكريات منتدى انجل شميرندا ) حتى تبقى ف

معا نتعرف على المحاشى وخلطتها