جلاش بالجمبرى والمايونيز النباتى بطرقتى انا الشخصيه انا حبيت اعمل صنيه صيامى بمناسبه صيام العذراء مريم
كل سنه وانتم طيبين
فعملتها وطلعت جميله لكن للاسف مصورتهاش لكن اوعدكم لما اعملها
مره اخرى هنزل لكم الصور
ارجو من ينقلها يقول منقول
المقادير :لفة جلاش
نصف كيلو جمبرى متوسط مقشر (هحمرهم بشويه زيت قليل فى المقلاه )
ثمن كيلو زيتون إسود
طماطم مقطعة صغيرا
فلفل اخضر مقطع صغيرا
فلقل اصفر مقطع صغير
فلفل احمر مقطع صغير
مايونيز نباتى يعنى من غير بيض
مكعب مرقه خضروات للشربه
الطريقه :
ندهن فى الاول الصينيه بالزيت
ثم نضع ورقتين من الجلاش وندهنهم بالزيت
ثم ورقتين اخرى وندهنهم الى ان نصل لنصف الكميه
ثم نبداء بوضع المايونيز تفرشيه على الجلاش
ثم الزيتون ثم والفلفل
ونضع الجمبرى المحمر
ثم قطع الطماطم الصغيرة
واغطيهم بورق الجلاش الباقى وادهن الوجه بالزيت
ثم اجيب مرقه الخضروات واكون مدوبهم فى شويه ماء حاولى نصف كوب ماء (يعنى قد كميه البيض واللبن التى بتغطى بيهم الجلاش الفطارى )
واقطع الجلاش واكون مجهزه الفرن على درجه حراره 180 مسخنها لمده 10 دقائق
فى نفس الوقت اسقى الجلاش بالشوربه واتركه 10 دقائق التسخين
ثم اضعها فى الفرن من تلت الى نصف ساعه
ثم اخرجها وبتطلع جميله جداااااااااااااااا
وبالف هنا وشفا
وان شاءالله تعجبكم