محمدالعابد كبار الشخصيات
عدد المساهمات : 1508 تاريخ التسجيل : 03/01/2012 العمر : 70 الموقع : http://alyaseen770.ahlamontada.org/ العمل/الترفيه : على المعاش تاريخ الميلاد : 24/05/1954 احلي مزاج والحمد لله
| موضوع: كيف تظهري انوثتك حتي يدوم زواجك الإثنين 25 نوفمبر 2013, 8:24 am | |
|
الانوثه دى زى البضاعه اللى عند التاجركل واحد بيعرض بضاعته بأسلوب وشكل معين عشان يشد ليها الزبون ويروح يشترى من عنده يعينى تجار كتييييييير عندهم نفس البضاعه وكلها جنب بعض بس الزبون بيروح يشترى من عند واحد والتاجر التانى يا عينى عليه بضاعته مهجوره وبايره وعليها عنكبوت ومحدش بيروح يعبره ولا يشترى من عنده كتير من الستات اللى متجوزين مفكرين ان هى لما تلبس كويس وتحط روج مثلا وكحل ان ده هيبقى كفايه عشان تحافظ على جوزها من زوغان العين وعشان مش يبص بره واحده تانيه تقول لاا انا بقى ناصحه واتعلمت من النت حركتين ومظبطااااااااااااااه بس تصدقوا مفيش فايده والراجل برضو عينيه هتبقى زايغه وبيبص بره لان الراجل ايـــــــه قولى معاايا الرجل ايـــــــــــــــه ....... ؟؟
ج / ما يملاش عينيه غير التراب ايوووووووووه بالظبط كده
ويا سلام بقى لو بالصدفه شفتى اللى جوزك معجب بيها لو مثلا كانت زميلته فى الشغل او اخت صاحبه تقعدى تمصمصى فى شفايفك وتقولى لنفسك:
شوفى الراجل المعفن سايبنى انا وبيبص لقعر الحله دى..... ايوه سايبك لان معندكيش فن طرح فى الانوثه الموضوع وما فيه انك مش بتعمليش حركتين الاغراء دول اللى اتعلمتيهم من النت او من صاحبتك علطول يعنى ممكن تعملى له اغراء وبعد شويه جوزك يشوفك وانتى بتنعرى فى العيال زى الاشرار او مثلا قدامه تيجى وتعملى نفسك هولك هوجن وتشيلى مرتبة السرير او حاجه محتاجه راجل وتشيليها وانتى بتقولى يا قوى يامعين يارب وممكن لما تتخانقى معاه تقعدى تجعرى زى الرجاله وصوتك يعلى عليه وبعدها بنص ساعه تلبسى البنطلون الجينز وقال تيجى توطى وتعملى الحركات اياها هو بقه من جواااه بيقولك يا شيخه غوووورى دانتى عليكى تنعير ياسااااااااااااتر
اول حاجه:لازم قبل ما ابتدى اعلمكم فن طرح الانوثه لازم تعرفى انك هتتعلميه عشان نفسك عشان انا واحده ست رقيقه يا جماعه نفسى كل الناس يشوفونى يقولوا ايه القمر دى مش عشان اتعلم حركتين وقال اروح اوطى قدامه واكلم برقه وبعدها بربع ساعه انعر فى العيال الغرض من تعلم الفن ده اصلاح لذاتك الاول وتجديد لشخصيتك ازاى تخلى الناس تغمز لجوزى وتقوله ايوه ياعم يا بختك على المدام ولما توصلى للنقطه ده جوزك هيبقى عامل زى المجنون عليكى من الغيره انا حشرح ليكى ازاى تعملى ده بس لازم تفهمى ان الموضوع ده محتاج صبـــــــررررررررررر ..
اول حاجه لازم تفهميها
انك مش بتعملى لجوزك وبس لاااااااااا انتى بتعمليه لنفسك عشان تثقى فى نفسك ولما تثقى فى نفسك هتنعكس على تصرفاتك كلها تعالى بقى لما اقولك على خطوات لازم تعمليها عشان تحافظى على جوزك ...
أولا : الرقـــــــــه
والكلام ده فى مشيتك فى بصتك فى حركاتك فى عتابك حتى فى معاملة الولاد اه استنى كده وفصصيلنا العباره الرقه فى المشيه يعنى امشى كده بهدوء ورسيان واما الضحك زى ما قلتلكوا مرات تضحكى جامد ومره تبتسمى يعنى على طووول حطى الحاجه بهدوء تبقى زى النسمه كده فى البيت اما صوتك بقى فحدث ولا حرج يبقى نظام همس كده
ثانيــــــــا :منظرك قدام جوزك يعنى اوعى تشيلى حاجه تقيله فى البيت هو المفروض اللى يشيلها مثلا المرتبه اتحركت من مكانها اعملى نفسك رايحه تزقيها تقومى تقولى اى صوابعى بتوجعنى مش قادره ممكن تعملها انت ياروحى انتى كده هتبقى ضربتى عصفورين بحجر واحد .....
العصفور الاول:انك حسيستيه انك كيوت ورقيقه اوووووووووووى
لدرجة انك مش قادرة تشيلى مرتبه
العصفورالتانى :انك حسيستيه برجولته
فاكرين لما شاديه فى فيلم الزوجه الــ 13لما قعدت تغنى لرشدى اباظه وتقوله : فى اديك قوه تهد جبــــــــال فى ايديك قووووه وهو زى العبيط عمال يبص على عضلاته ههههههههههه الموضوع ده بيسعد الراجل جدا على فكره واى حاجه عايزه تقرطسيه وتخليه يعمليها خوشيله من الباب ده انك الضعيفه الغلبانه وهو الدكر الفتاك مثال تانى:يلاقيكى جايه من السوق عرقانه ومعفنه وشايله خمسين كيس يستحسن تسيبك خالص من موضوع السوق ده وخليه هو اللى يشترى كل حاجه من بره ولو قالك مش فاضى رقدى له ومره واحده قوليله: تخيل يا روحى وانا فى السوق واحد خبطنى بطريقه مش كويسه اصل السوق زحمه قوى طبعا هووووه لو عنده نخوه هيغير عليكى وهيقولك خلالالالالاص انتى تقعدى وانا اللى هشترى كل حاجه من بره طب وايه تانى من منظرك قدامه ممنوع تقمطى الايشارب على راسك او تنضفى البيت وهو موجود حاولى متعمليش القصه ده نهائى اوماااااااااااااال تعملى ايه وهو موجود فى البيت هقولك : اقعدى ابردى ضوافرك كده بطريقه شيك وانفخى فيهم وبعدين حطى مانيكير او مثلا هاتى كتاب واقريه ..كتاب فى الدين فى علم النفس قومى بخرى الشقه والهدوم عارفين الحاجات اللى تحسسه انه معاه انـــــثــى فى البيت
|
|
امين كبار الشخصيات
عدد المساهمات : 7043 تاريخ التسجيل : 02/06/2013 الموقع : http://www.ahladalil.net/ اوسمه اخرى :
| موضوع: رد: كيف تظهري انوثتك حتي يدوم زواجك الإثنين 25 نوفمبر 2013, 4:30 pm | |
| شكرا جزيلا على هذا الموضوع الجميل ومزيدا من التألق في سمآء منتديآتنآ الرائعة >>
تحيآتي .. |
|