محمدالعابد كبار الشخصيات
عدد المساهمات : 1508 تاريخ التسجيل : 03/01/2012 العمر : 70 الموقع : http://alyaseen770.ahlamontada.org/ العمل/الترفيه : على المعاش تاريخ الميلاد : 24/05/1954 احلي مزاج والحمد لله
| موضوع: انا نوره من الرياض السبت 17 مايو 2014, 3:50 pm | |
| انا اسمي نوره من سكان الرياض وابي اكتب لكم اشياء انشاء الله تعجبكم: قمت اليوم من النوم وانا متنكدة طبعا كالعادة وتجهزت بسرعة وقعدت أنتظر أخوي البارد أثلج واحد بالدنيا الشيخ قاعد سنه عشان يفطر ويغير ملابسه المهم رحنا للمدرسة الجميلة وبالطريق قعدنا طبعا سنه عند الاشارة وصوت البواري على الصباح يصدع الراس المهم دخلت المدرسة وأنا نصي نوم لقيت البنات قاعدات يتكلمن كالعادة عن وش صار أمس بالتلفزيون ؟ شفتي المطربة الفلانية وش لابسه؟ وشفتي الفنان العلاني وشلون شكله ؟ المهم أنا مالي خلق سواليفهم البايخة على الصباح وأشوى أنقذني الجرس عاد أنا يوم رن قلت بنفسي الحين حنا بنات بالثانوية وحالتنا حالة واللي فينا متزوجة وعندها عيال ونصف طوابير مثل البزران لا وبعد اذاعة كل يوم نفس المواضيع الام والشجرة وأسبوع المرورهذه مواضيعهم ما تتغير احنا وش نسوي غير صفينا بذا الطابور وقعدنا الوحدة فينا بتطيح على الارض من كثر النعاس و مسكينة البنت اللي تقول الاذاعة البنات كلهم يدعون عليهامسكينةهي الحين ينقال لها مجتهدة جايبة لنا مسابقة واحنا ما حناب وجيه مسابقات و البنات طفشانات ويبغون يهبلون بها كل ما قالت سؤال. . صاحوا البنات أيش؟ وتعيد السؤال مسكينة تحسبهم صادقين وعلى هالحالة الى من مسكينة طفشت وقالت السلام عليكم والبنات على الصباح يصرخون فلانةعلانةما ادري من وين جابوا خلق المهم بدأت أول حصة والثانية والثالثة وجت الفسحة السعيدة عاد أنا روقت والبنات كلهم مروقين وقعدنا نسولف و مدري وش جاب طاري موضوع الجن وقعدوا يسولفون فيه طبعا غلب قصصهم أرانب وأناقاعدة اضحك عليهم مساكين مصدقين كذب بعض وطلعنا والبنات صجة طبعا بالدرج ما تسمعين صوت اللي جنبك من كثر الصجةخاصة الادبي اف يا كثر هرجهم الفاضي وكل ما لمست الوحدة الثانية سمعتي صراخ و أحنا من زود الروقان سوينا قطار واشكالنا كأننا بزران ودخلنا الفصل واحنا نراكض أشكالنا تموت ضحك والمدرسات تحسبونهم قالوا شي علقوا؟ لا قاعدين ويضحكون عليناو البنات لما دخلوا صكوا باب الفصل والستارة والانوار وقعدنا نسوي حفلة على بالناكان تدخل علينا الابلة المصريةأيه دا يا أولى انتوا ما تستحيوش؟ وقامت تتفلسف علينا شوي فكت الستارة والانوار وقعدت تشرح عاد البنات لما تصير مدرسة ميب سعودية ما يهتمون لحصتهاهذا وحنا أول ثانوي اهم مرحلة لاما يخافون قاعدات الاخوات مبسطات ويسولفن وياكلن والابلة مسكينة تهزأ فيهم وما في أحد يستجيب رحمتها بقلبي وقعدت أنتبهت لهاوعاد انا من زود الشطارة الزايدة اذا قومت البنات يجاوبون أغششهم وهي مير ما تدري وش السالفة المهم جت الحصص اللي بعدها مدرسات سعوديات وجلسن البنات كأنهم أصنام ولا همسة ولا حركةوأنا أقول بقلبي سبحان مغير الاحوال وجت الحصة الاخيرة أغثث الحصص جغرافيا وعاد أبلتنا قامت تتفلسف أعطتنا محاضرة بالاخلاق عشان بنت طخت فيها بالفسحة ولا قالت لها آسفةمسكينة هذه الابلة معقدة بزيادةعاد البنات يناقشونها مع أن الموضوع موب حق تناقش بس هم يبغون يروحون الحصةوصار لهم اللي يبون وراحت الحصة على موضوع سخيف وطلعنا من ذا المدرسة للطلعةوعاد بالطلعة تزدهر الفضايح تشوفون بأيدي الابلات أشرطة فيديو وأغاني كاسيت وموب غريبة تلقون بنت ماسكتها الابلة بعدويا ما تحت السواهي دواهي طبعا كأي مدرسة بالرياض لازم وقت طلعة البنات الشباب متجمعين عند الباب ومتكشخين ومترززين وأنا أقول بقلبي والله أنهم لو رايحين لصلاة الجمعة ما تكشخوا كذاعاد تشوفون استعراض السيارات البي أم واللكزس والحركات والالوان الغريبة والتفحيط اللهم عافهم ولا تبلانا بس أمي مسكينة يحترق قلبها حتى اوصل البيت سالمة منهموهم يفحطون ولا فكروا ابد بأرواحهم ربي يهديهم بس خلص اليوم الدراسي على خير اليوم الصباح البنات وجوههم مبتسمة موب كالعادةلأن اليوم الاربعاء طبعا بس اليوم جيت متأخرة الصباح وفاتتني سواليفهم الجميلةأحسن لي بعد. أخوي اليوم عذبني حتى صحى من النوم والدب بعد قعد يفطر سنتين المهم عاد رحت وكانت الطوابير صافة والبنات يضحكون ومهم ملقين للأذاعة وجه كل وحدة تسال الثانيةوين بتروحين اليوم؟؟؟ اللي بتروح لخوالها واللي بتروح لعمامها واللي بتروح لحفلة مسوينها بنات ثالث ثانوي بس أنا ماجتني دعوة وحتى أصلا لو جتني دعوة أمي مهيب راضية لي اروح .أول حصة كانت انجليزي والبنات مالهم خلقهاأنا وصديقتي اللي جنبي قاعدين نلعب حبل المشنقةكانكم تعرفونهاهي أنك تختار أسم في بالك وتحدد مثلا تقول اسم شاعر شعبي أو أسم ممثلة مصرية قديمةكذا وتعد حروف الاسم وتحط مكانها شخطات(- - - - -) كذا يعني ويخمن اللاعب الثاني الحروف وتحط مكانها أما الحروف الغلط ترسم مكانها أول شي راس بعدين جسم بعدين يد واليد الثانية وبعدها رجل والرجل الثانية بعدين العيون والفم والخشم بعدين شخطة على الراس تخسر اللاعب يعني انشنق والأبلة ميب حاسة مسكينة قاعد تشرح للهوا .المهم بعدها الحصة الثانية والثالثةوكلها طفش أما بالفسحة فالآخت صديقتي زعلانة وما تبي تقعد مع البنات عاد أنا طفشت من كثر ما أقنع فيها بس هي معانديةراسها يبس الصخروكلما قلت لها شي قالت هذه علاقاتي وأنا أعرف أدبرهالكن انا أصلا طفح الكيل فيني وما عدت انصحها رحت قعدت مع البنات وخليتهاقلت يمكن ترضى بس ماش كيفها عاد مالي دخل فيهاالمهم بعد الفسحة طلعنا فوق ومرت الحصص ريح الى الحصة السادسةكان علينا حاسب ونزلت انا وصديقتي كانت تحكي لي عن حياتها العاطفية ,انا متأثرة بكلامها ومتحمسة المهم نزلنا وتمشينا الى من قالت المعلمة أن مافي درس وطلعتنا في الساحةقعدنا نسولف عن مواقف السفر وقعدنا نسولف عن ايطاليا ومناظرهاحقيقة أنا أعتبر اللي ما راح أيطاليا ما شاف الطبيعةهذيك البلد غريبة وحلوةالمهم قعدت أحكي لهم عن استبداد ولد خالي يوم نسافر معهم كان كل يوم لازم يركبنا القارب عشانه يعرف يجدف ذيك المرة قلت له يا خي عرفنا أنك تجدف طفشنا من القارب كل يوم نفس البحيرة ونفس القارب عشان حضرتك وقعدت أحكي لهم عن ذيك السفرةبس كانت وناسة مرةالمهم راحت الحصة وجت الحصة السابعة وبعدها الطلعةوكل البنات متشققة وجيههم من الفرحة لأنه يوم الاربعاءعاد أنا طلعت بسرعة على غير العادة مدري وش جايه اخوي الظاهر ان ذاك اليوم ما في مضاربات لأنه كل يوم يتأخر علي ولما اسأله ليش تأخرت يقول فزعت مع خويي كانت مضاربةودايم تلقى على ثوبه حبر أزرق وجسمه مجرح وياما نصحناه بس لا حياة لمن تنادي
|
|
Admin
عدد المساهمات : 9419 تاريخ التسجيل : 21/06/2009 الموقع : shamirnda.ahlamontada.com الفيسبوك : اوسمه اخرى :
| موضوع: رد: انا نوره من الرياض الإثنين 19 مايو 2014, 3:37 pm | |
| [ندعوك للتسجيل في المنتدى أو التعريف بنفسك لمعاينة هذه الصورة]بكل ماخطه حرفكوبكل ماجمعه فكركتبقى مميز ثق بأني أستمتعت كثيرا من بين السطوركذالك كان موضوعك ايها المتالق ربي لايحرمنا من هذا القلم الذهبييعطيك الف عافيه على الموضوع الرووعه |
|