طريقة عمل بونارين ( طبق جزائري ) من مطبخي

Download From Here

اضغط هنا للتحميل



السلام عليكم ورحمة الله تعالى وبركاته
ان شاء الله تكونو بخير وعافية

مجدا مع وصفات جزائرية وهذي المرة طبق مشهور بالشرق الجزائري

وهو بونارين ويسمى هكذا لانه يطبخ على نارين

على الغاز وفي الفرن

في العادة يكون باللحم المفروم وانا اضفت له النقانق
المقادير

لحم مفروم ، مرقاز(نقانق) ، بصلة ، شوي زيت، ملح توابل وفلفل كحل ، معدنوس
فرماج قطع وفرماج شرائح وفرماج رابي (ويمكن اي نوع متوفر)
6 حبات بيض وممكن اكثر اذا درتو كمية كبيرة

التحضير
اول حاجة درتها قصت هذاك الغلاف الشفاف تاع المرقاز (النقانق)



واستخدمت الي في وسطو برك (فقط) زدت معاه لافيونداشي (لحم مفروم)
قليت البصل وضفت اللحم وملح توابل فلفل كحل وقليتهم في شوي زيت



بعد ماتقلو مليح زدت (اضفت) شوي معدنوس(بقدونس)




نقصت عليه النار وخليتو طاب في راحتو وزدت عليه فرماج (جبن) قطع



وشرائح وخلطتهم



وزدتول 3 حبات بيض في البداية



وكي (ولما) جاني ناشف زدتلو وحدة



لازم يكون جاري








درتو في مول تاع كوشا (عملتو في صينية فرن)
وسكت عليه حبتين بيض مخفوق وجبن مبشور



وشوي درتو في مول تاع المادلان



ودخلتهم للكوشا (الفرن) طابو حتى تحمرو




وقدمتهم مع فاصوليا خضرا بعد ماغاليتها في الماء وقليتها
في شوي زبدة ملح فلفل كحل ومعدنوس



وهام ليكم واجدين بنان ومايتشبعوش

موضوع رائع
يسلمو ايدك
على الطرح الرائع
ننظر اعمالك بفارغ الصبر