Admin
عدد المساهمات : 9419 تاريخ التسجيل : 21/06/2009 الموقع : shamirnda.ahlamontada.com الفيسبوك : اوسمه اخرى :
| موضوع: بعض النصائح الصغيره تظهر جمالك في الفرح الثلاثاء 24 أبريل 2012, 9:15 pm | |
| بعض النصائح الصغيره تظهر جمالك في الفرحمن الحاجات المهمة أوي لو كنتي عروسة إنك تُحسني اختيار لون الفستان، بحيث إنه يكون مناسب ولايق مع لون بشرتك، ده طبعا بالنسبة لفساتين الخطوبة، وبالنسبة لفساتين الزفاف لازم يكون التطريز والشغل اللي عليه بسيط وشيك، يعني مش لازم نقلّد حد أو نجري ورا الموضة؛ لأن كل ما كان الفستان بسيط وهادي والمكياج شكله طبيعي هيديكي شكل راقي ومميز في فرحك
[ندعوك للتسجيل في المنتدى أو التعريف بنفسك لمعاينة هذه الصورة]
ومن ضمن الحاجات اللي عرايس كتير بتقع فيها هي إنها تلبس إكسسوارات من الذهب الأصفر على الفستان الأبيض، وطبعا ده مش مقبول تماما؛ لأنه بيدي شكل مش لطيف، وبيبقى مش متناسق مع بعضه، يعني بما إنك لابسة فستان أبيض يبقى أكتر حاجة هتليق عليه هي اللولي والألماظ والإستراس.
[ندعوك للتسجيل في المنتدى أو التعريف بنفسك لمعاينة هذه الصورة]
كمان بلاش تجيبي حذاء بكعب عالي ومبالغ فيه؛ لأنه مش هيديكي حرية في الحركة وهيخليكي مقيدة في حركتك، والأفضل إنك تكتفي بكعب 4 سم.
[ندعوك للتسجيل في المنتدى أو التعريف بنفسك لمعاينة هذه الصورة]
اعتني بشعرك بعد الصبغة طبعا وإنتي عروسة بتبقي عايزة تغيري لون شعرك قبل الفرح؛ ولكن بتبقي خايفة إن الصبغة تضرّ شعرك وتسبب له مشاكل أكتر من اللي بيعاني منها أصلا، وعلشان تتجنبي المشكلة دي، من الأفضل إنك تصبغي شعرك الأول، وبعد كده تقصّيه، وبعدين تتبعي كورس مكثف للعناية بالشعر.
[ندعوك للتسجيل في المنتدى أو التعريف بنفسك لمعاينة هذه الصورة]
وعلى فكرة الشعر من الحاجات اللي بيظهر عليها آثار الاهتمام بسرعة لو اعتنينا بيه؛ لكن اللي بتعاني مشكلة تساقط الشعر أو إن فيه مناطق خفيفة فيه أو مش بيطول بسرعة، كل ده هيحتاج منك إنك تبدئي العلاج من بدري يعني من 6 شهور قبل الفرح؛ لأن علاج المشكلات دي بيحتاج لوقت ومواظبة علشان الماسكات تجيب نتيجة معاه.
[ندعوك للتسجيل في المنتدى أو التعريف بنفسك لمعاينة هذه الصورة]
ومن أنواع حمامات الزيوت اللي بتعالج مشكلات الشعر، هي حمام زيت مكوّن من مقادير متساوية من زيت الثوم وزيت جوز الهند وزيت الجرجير، وبتوزعيهم على شعرك بعد ما تغسليه كويس، وبتسيبيه على شعرك من 3 - 4 ساعات، وبعد كده تغسليه مرة كمان، وحمام الزيت ده ممكن تعمليه من مرتين لثلاثة في الأسبوع علشان تحسي بنتيجة، ولما تبدئي تعملي حمام الزيت ده هتحسي إن مشكلة تساقط الشعر قلّت بعد أسبوعين، أما بالنسبة لتكثيف وتطويل الشعر فده هيحتاج إنك تواظبي على حمام الزيت ده لفترة أطول شوية.
[ندعوك للتسجيل في المنتدى أو التعريف بنفسك لمعاينة هذه الصورة]
كمان زيت القرفة من الزيوت الحلوة أوي اللي بتستخدم لتكثيف وتطويل الشعر
[ندعوك للتسجيل في المنتدى أو التعريف بنفسك لمعاينة هذه الصورة]
|
|
rimshs نائبه المديره
عدد المساهمات : 3561 تاريخ التسجيل : 01/07/2009 العمر : 43 الموقع : angelshamirnda.ahlamontada.com تاريخ الميلاد : 04/07/1980 مدوخه اوسمه اخرى :
| موضوع: رد: بعض النصائح الصغيره تظهر جمالك في الفرح الأربعاء 25 أبريل 2012, 2:42 am | |
| |
|