طريقه بسيطه في تخزين الملابس
اول شي جيبي اكياس وشنط سفر كبيرة ما تحتاجينها فترة الصيف او ممكن تشترين شنط رخيصة وكبيرة مثل اللي نشتريها للخدامات اذا جو يسافرون تكون من القماش
افرزي الملابس
الشنطه الاولى تكون للملابس اللي راح تحتاجينها السنه القادمه باذن الله لك ولاولادك وضروري تكون نظيفه ومكويه
الشنطه الثانيه تكون ملابس شتويه ممكن تحتاجينها بعد سنتين اوثلاث لطفل ثاني من اطفالك مثل جاكيتات رسميه
او بناطيل شتويه طبعا اكيد ما راح تخزنين في هالشنطه الا شي شبه جديد يعني مو مستهلك
وجيبي كيس كبير وحطي في جميع الملابس الشتويه اللي استهلكت او ما راح تحتاجينها وارسليها للجمعيه الخيريه
واذا كنت تعرفين عوائل محتاجه لها يكون افضل انك توصلينها لهم او تطلبين انهم يجون ياخذونها
المهم بعد مارتبتي الملابس في الشناط
راح اقولك على حاجه تحفظ ملابسكم من العث اللي يطلع في الصوف او من ريحة التخزين
الناس الحين يستخدمون النفثالين (السفنيك) عشان يحفظ الملابس من العث ومن ريحة التخزين بس اذا جاء بعد سنه وفتحتي الشنطه لازم تغسلين الملابس من ريحته اللي ماتنطاق
انا بستعمل ايضا بشر صابون برائحه حلوه وتضعينه بداخل جورب نايلون
وتضعيه وسط الملابس هتجدى رائحه ملابسك جميله وعطره