صلصة الريحان [ندعوك للتسجيل في المنتدى أو التعريف بنفسك لمعاينة هذه الصورة] المقادير :-حوالي 2 كبايه اوراق ريحان ( تباع فى السوبر ماركت )
-تلت ( 3/1 ) كبايه عين جمل مكسر أو صنوبر او سودانى
( رأيي الشخصى الصنوبر بتطلع احلي من عين الجمل )
-3 أو اربع فصوص توم
-نصف كبايه زيت زيتون
- لو فطارى نصف كباية جبنه رومى مبشوره
الطريقة
حطى ورق الريحان فى الخلاط شويه شويه ( يعنى مش كل المقدار مره واحده ) .. و اضربيهم
( هنا لو فطارى تحطى الجبنه و تضربي تانى )
حطى التوم و المكسرات و استمري فى الضرب
من غير ما تطفى الخلاط ابتدى حطى الزيت ببطء
شوية ملح لو تحبي
اضربي كله الى ان يصبح مثل الكريمة
ده بقي خطير مع مكرونه مسلوقه !
أو يتدهن بيه عيش و يتسخن تحت griller و بعدين تحطى فوقيه طماطم متقطعه صغير و بصل احمر و يرجع تحت الgriller تانى بسرعه يادوب الطماطم تسخن شويه بس .
ممكن يتشال في برطمان فى التلاجه بشرط يتغطى سطحه بشوية زيت و يتقفل كويس .
ممكن كمان يتجمد فالفريز فى مكعبات التلج .
بس لو عاملينه فطارى و عايزين تجمدوه ما تحطوش الجبنه فيه .
لما تطلعيه و تيجى تستعمليه ابقي حطيله الجبنه بعد ما يسيح .