!كيف نختار الحلق؟
هل حصل مره و تسألتم قد ايش الحلق مهم عشان تكمل الطله؟؟؟
الوحده فينا ممكن تخرج من دون اسواره ..من دون سلسله...من دون ساعه حتى..
لكن مستحيل تخرج من دون حلق...
بحكم قربه من و جهك،، الحلق المناسب ممكن يلفت النظر لأجمل ملامحك
و في نفس الوقت ممكن يصرف النظر عن اسوئها...
عدا عن كونه بيعكس نظرتك لذاتك من خلاله... و الأهم يعزز حضورك الشخصي كأنثى
و هويتك اللي مايشبهها احد....
ياترى كم و حده فينا تعرف هالمعلومه و تطبقها؟؟؟؟
طيب!!!!كيف نختار الحلق؟؟؟
في عده عوامل مؤثره منها لون الشعر ، قصته ، طوله، لون البشره، حجم الجسم
وشكل الملابس حتى طول الرقبه و عرضها مهم ...بس الأهم من هذا كله شكل الوجه....
كيف احدد شكل وجهي؟
في حال ماكنت عارفه تحددي الشكل الصحيح ،،،ممكن تستخدمي الطريقه التاليه...
. اوقفي قدام المرايه و اربطي شعرك كله لورا...
الأن تأملي وجهك كويس و قارنيه بالأشكال السابقه ...
اذا لسا محتاره اعملي نفس الخطوات السابقه لكن هالمره خذي قلم روج...
الأن قربي و جهك من المرايه.. و ابدئي ارسمي حوالين الحد الخارجي للوجه على المرايه....
الأن شكل وجهك سار واضح قدامك...
الأن حنشرح كل و جه وايش اللي بيناسبه.....
ياللا نبدأ....
الوجه المعين او الـdiamond face
هنا حيكون عندنا حجم الجبهه و الذقن ضيق في حين تكون عظمه الخ عريضه....
حنحتاج لحلق مثلث،، او على شكل دمعه ،،ممكن على شكل اجاصه او حتى بيضاوي..
المهم تكون قصيره نوعاً ما و عريضه وقد ماتقدري ابعدى عن الحلقان الطويله و النحيفه...
حنشوف مجموعه من النجمات اللي ليهم نفس شكل وجهك وونشوف كيف كانت خياراتهم...
نيكول في طله راقيه و مميزه بمعنى الكلمه...لعب الحلق فيها دور اساسي...
عموماً الوجه المعين محظوظ لأنه من اكثر الوجوه اللي يناسبها هالنوع من الحلقان
اللي يسمى بالـchandelier او الثريا...
مادونا الجريئه اختارت حلق دائري بسيط و قصير نازل ...
في الأخر المسأله عندها مسأله تناغم و توازن ...
الوجه هذا يتميز بجبهه عريضه و خدود عاليه و و ذقن صغيره و بارزه..
الحلق المناسب هنا هو اللي حيبعد الأنظار عن الجبهه و حيلفت النظر اكثر للذقن و للخدود..
وفي نفس الوقت ينعم الزوايا الحاده اللي يمتاز بيها ....
لجأت لحلق بيضاوي بارز بحجم مناسب...
لما الوجه يكون مربع حنلاقي ان ابعاده تكاد تكون متساويه بمعنى انوالجبهه لها نفس عرض الفك نفس عرض الجبين.
تكوين هالوجه يوحي بالجمود والحده عشان كذا....
حنختار حلقان دائريه او بيضاويه طويله او قصيره المهم يكون طولها يغلب على عرضها ..
وقد ماتقدري ابعدي عن الأشكال الهندسيه الا اذا كانت حدودها ناعمه ...
احلى الأنواع و اكثرها عمليه و اروع شي فيه انه ببيناسب الكل ..
السر يكون في الحجرصغير لكن لامع ومصقول ...قمه الرقي في رأيي..
عموماً جسيكا هنا أبرزته اكثر لما اختارت انها ترفع شعرها
فعمل التوازن المطلوب و ابرز احلى مافيها ....
الوجه المستطيل Long face shape
هالنوع يشارك الوجه المربع في خصائصه من حيث الحده و الجمود لكن ..
الطول هنا بيكون ظاهر اكثر من العرض...
حنحاول نخلق توازن في منتصف الوجه باختيار حلق يمتاز بعرض اكبر ...
او ممكن نختار أشكال دائريه او شكل يكون فيه انحناءات اكثر....واكيد راح نبعد عن كل شي طويل و ثقيل..
في الأخر كلها بتزيد الوجه طول...
ياللا عالصور...
جيزيل و حلق دائري ذهبي عاكس بصوره حلوه على بشرتها البرونزيه...
وفي نفس الوقت تناغم مع لون عيونها وابرز جمال رقبتها,,,,
طلتها بتطير العقل.....
خبراء الأزياء حول العالم بينصحوا باختيار الحلق البسيط مع الملابس اللي فيها تفاصيل كثيره...
والعكس صحيح كل ماكان اللبس بسيط ابرزيه اكثر باستخدام حلق فيه حجم او شغل كثير..
الوجه الدائري او الـ Round face shape
بحكم انه دائري فحنحتاج هنا لحلق يعطي حدود للوجه....
بمعنى اخر راح نعتمد على عامل الطول اكثر من العرض ...
ممكن كمان نختار الأشكال الهندسيه المحدده سواء كانت مربع مستطيل مثلث....
لكن اكيد راح نبعد عن كل شي دائري او بيضاوي...
فيرجي مشهوره بوجهها الممتلئ و دايماً شعرها نازل على اكتافها....
اليوم غيرت وحددت وجهها هالمره بواسطه حلق سمبل و خفيف لكن طويل...
الوجه البيضاوي Oval face
الوجه المثالي كما يقال...
لكن حتى صاحبات هالنوع من الوجه لازم يكونوا حريصين شوي...
حنبتعد عن الحلقان الطويله جداً و اللي يكون لها اشكال حاده او متطرفه...
فيما عدا ذلك مسموح لك بأي ديزاين طالما انك بتعتمدي التوازن كمبدأ...
مثل مالاحظتو اعتمادي الأكبر في الشرح كان على المجوهرات و الذهب ...
لكن انا انصح بشده انك دايماً تجددي افكارك وتختبري نفسك...
من خلال تغيير الألوان،، و التصاميم و الخامات..
في الأخر الهدف من هذا كله اننا نترك بصمه خاصه فينا...
والحلق المناسب مو ضروري ابداً انو يكون غالي و مكلف....
بكذا احنا خلصنا وواحد من اهم اسرار الجمال سار بين ايديك..
من اليوم ورايح ماراح نختار اي حلق و السلام...
خياراتنا حتكون مدروسه بعنايه..
..اتمنى تكونوا خرجتوا بفائده